ថ្ងៃព្រហស្បតិ៍ ទី១២ ខែមីនា ឆ្នាំ២០១៥ ម៉ោង ០៩:៣៦
រាជធានីភ្នំពេញ ៖ បន្ទាប់ពីបានទទួលព័ត៌មានថា មានយុវតីសន្តិសុខរោងចក្រម្នាក់បានរងគ្រោះដោយទឹកអាស៊ីត សម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន បានផ្តល់ទឹកប្រាក់ចំនួន៣០០០ដុល្លារអាមេរិក ដល់យុវតីរងគ្រោះ តាមរយៈលោកសាស្ត្រាចារ្យឈាង រ៉ាអគ្គនាយកមន្ទីរពេទ្យកាល់ម៉ែត។
លោកសាស្ត្រាចារ្យឈាង រ៉ា អគ្គនាយកមន្ទីរពេទ្យកាល់ម៉ែត កាលពីវេលាព្រឹកថ្ងៃទី១១ មីនា ២០១៥ បាននាំទឹកប្រាក់ជូនដល់នារីរងគ្រោះដោយសារទឹកអាស៊ីត និងបាននាំទៅជាមួយនូវប្រសាសន៍ផ្តាំផ្ញើសាកសួរសុខទុក និងសម្តែងការអាណិតអាសូរ ពីសំណាក់សម្តេចកិត្តិព្រឹទ្ឋបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលសម្តេចតែងតែគិតគូជាប់ជានិច្ចពីសុខទុក្ខរបស់ប្រជាពលរដ្ឋ ។
ក្នុងពេលជាមួយគ្នានេះ សម្តេចបានផ្តាំផ្ញើឲ្យលោកអគ្គនាយកមន្ទីរពេទ្យជួយយកចិត្តទុកដាក់ថែទាំព្យាបាលស្ត្រីរងគ្រោះឲ្យបានល្អ ប៉ុន្តែលោកសាស្ត្រាចារ្យ ឈាង រ៉ា បានឲ្យដឹងថា លោកតែងតែយកចិត្តទុកដាក់ថែទាំព្យាបាលគ្រប់អ្នកជំងឺ ក្នុងនាមជាគ្រូពេទ្យដែលមានក្រមសីលធ៌មវិជ្ជាជីវៈម្នាក់ ហើយក៏គោរពតាមអនុសាសន៍ដ៏ខ្ពង់ខ្ពស់របស់សម្តេចកិត្តិព្រឹទ្ឋបណ្ឌិតផងដែរ។
ម្តាយមីងនារីរងគ្រោះបានសម្តែងការថ្លែងអំណរគុណ ដ៏ជ្រាលជ្រៅដល់ សម្តេចកិត្តិព្រឹទ្ឋបណ្ឌិតប៊ុន រ៉ានី ហ៊ុន សែនប្រធានកាកបាតក្រហមកម្ពុជា ដែលបានផ្តល់អំណោយនូវទឹកប្រាក់ដ៏សន្ឋឹកសន្ឋាប់នេះ ដើម្បីជួយជនរងគ្រោះ និងបានសម្តែងអំណរគុណ និងកោតសរសើរលោកសាស្ត្រាចារ្យឈាង រ៉ាដែលតែងតែបានយកចិត្តទុកដាក់ ក្នុងការជួយសង្គ្រោះក្មួយរបស់អ្នកស្រី ដោយក្តីអាណិត
អាសូរ។
អាសូរ។
ស្ត្រីរងគ្រោះដោយទឹកអាស៊ីតមានឈ្មោះមាស វណ្ណី អាយុ២០ឆ្នាំ ជាសន្តិសុខរោងចក្រស៊ិន តាយ មានឪពុកឈ្មោះស៊ិន ស៊ីនឿនអាយុ៥០ឆ្នាំ ជាកម្មករដាំដំទ្បូងឲ្យក្រុមហ៊ុនចិន និងម្តាយឈ្មោះមាស វណ្ណាអាយុ៥៧ឆ្នាំ មានជំងឺសរសៃប្រសាទ ។ ស្ត្រីរងគ្រោះមានស្រុកកំណើតនៅភូមិអារ៉ង់ព្រួច ស្រុកក្រគរ ខេត្តពោធិសាត់ មានបងប្អូន៦នាក់ស្រី២នាក់ ប្រុស៤នាក់ ហើយស្ត្រីរងគ្រោះជាកូនទី៥ នៅក្នុងក្រុមគ្រួសារ ។
គួរបញ្ជាក់ថា នារីជាសន្ដិសុខនៅរោងចក្រ ស៊ិនតាយ ស្ថិតនៅសង្កាត់ចោមចៅ ខណ្ឌពោធិ៍សែនជ័យ ឈ្មោះមាស វណ្ណនី អាយុ២០ ឆ្នាំ ត្រូវបានជនល្មើសស្រឿន នាន់ អាយុ៣៨ ឆ្នាំ កាន់ទឹកអាស៊ីតមួយដបទឹកសុទ្ធ ជះទៅលើស្រោចពេញខ្លួន ខណៈដែលនារីរងគ្រោះ កំពុងធ្វើដំណើរទៅធ្វើការ កាលពីវេលាម៉ោង០៦ និង១០នាទីព្រឹកថ្ងៃទី០៦ មីនា ២០១៥ កន្លងមក ស្ថិតនៅមុខផ្សារកាណា
ស៊ីធី ៕
មើលពត៌មានច្រើនទៀតនៅទីនេះ
0 comments:
Post a Comment