ថ្ងៃព្រហស្បតិ៍ ទី១២ ខែមីនា ឆ្នាំ២០១៥ ម៉ោង ១០:៥៦
«ដឹមីរ័រ» របស់អង់គ្លេសផ្សាយកាលពីពេល ថ្មីៗនេះថា លោកតាទ័រហ្គុត អយម៉េន អាយុ៧៣ឆ្នាំ ជនជាតិតួកគី បានកាត់លិង្គរបស់ខ្លួនបោះចូលក្នុងទន្លេ ក្រោយពីត្រូវលោកយាយណេស អយម៉េន ជាប្រពន្ធអាយុ៧០ឆ្នាំ រត់ចោលទៅតាមប្រុសថ្មី ។
រឿងនោះកើតឡើងនៅមុនថ្ងៃគម្រប់ខួបអាពាហ៍ពិពាហ៍៥០ឆ្នាំដោយពេលលោកតាទ័រ ហ្គុត អយម៉េន កំពុងត្រៀមរៀបចំពិធីស្រាប់តែលោកយាយណេស អយម៉េន ដែលធ្វើការនៅក្រុងអុីស្តង់់ប៊ុល ប្រទេសតួកគី ឆ្ងាយពីផ្ទះប្រហែល៥៥០គីឡូម៉ែត្រ ទូរស័ព្ទប្រាប់ថា គាត់លង់ស្នេហ៍ជាមួយវេជ្ជបណ្ឌិតអាយុ៥៥ឆ្នាំម្នាក់នៅទីនោះ និងសម្រេចចិត្តរួមរស់ជាមួយគ្នាហើយ ។
ទោះបីជាលោកតាទ័រហ្គុត អង្វរលួងលោមតាមទូរស័ព្ទឱ្យត្រឡប់មកផ្ទះក៏ដោយ ក៏លោកយាយណេស អយទ័រ មិនព្រមទេដោយបញ្ជាក់ថា គាត់ស៊ូរួមរស់ជាមួយគូស្នេហ៍ថ្មី។ ដោយសារតែភាពតប់ប្រមល់ និងខឹងរឿងនោះ លោកតាទ័រហ្គុត អយម៉េន ធ្វើដំណើរទៅទន្លេមួយនៅក្បែរភូមិគីស៊ីលតាស ក្រុងខាលខាន រួចកាត់លិង្គរបស់ខ្លួនបោះចូលក្នុងទឹក ។
លោកតាទ័រហ្គុត ត្រូវគេនាំទៅមន្ទីរពេទ្យ និងគ្រូពេទ្យបានដេរស្នាមរបួស ប៉ុន្តែមិនអាចភ្ជាប់អវយវៈភេទបានទេ ព្រោះក្រុមជួយសង្គ្រោះមិនអាចរកកំណាត់លិង្គដែលបោះចូលទន្លេឃើញ ។
លោកតាទ័រហ្គុត អយម៉េន បានបញ្ជាក់ពីហេតុផលកាត់លិង្គថា ដោយសារតែគាត់មានអារម្មណ៍ថាវាគ្មានប្រយោជន៍ និងដឹងថា ខ្លួនមិនសក្តិសមជាបុរសទៀតទេ ។
មិត្តភក្តិអាយុ៧០ឆ្នាំ បាននិយាយថា លោកតាទ័រហ្គុត អយម៉េន និងយាយណេស អយម៉េន មានកូន៥នាក់ ។ លោកតាទ័រហ្គុត អយម៉េន ខិតខំគ្រប់យ៉ាងដើម្បីប្រពន្ធ តែទីបំផុតបែរជាក្បត់គាត់ទៅវិញ ។
របួសរបស់លោកតាទ័រហ្គុត អយម៉េនធូរស្បើយហើយ ប៉ុន្តែនៅបន្តពិគ្រោះជាមួយគ្រូពេទ្យផ្នែកចិត្តសាស្ត្រទៀត ៕
មើលពត៌មានច្រើនទៀតនៅទីនេះ
0 comments:
Post a Comment