ថ្ងៃចន្ទ ទី៩ ខែមីនា ឆ្នាំ២០១៥ ម៉ោង ១៤:០៦
របាយការណ៍មួយរបស់ពួកអ្នកជំនាញការ ចេញផ្សាយកាលពីថ្ងៃទី៨ មីនា គូសបញ្ជាក់ថា ប្រទេសអារ៉ាប៊ីសាអ៊ូឌីត នាំមុខឥណ្ឌា ដោយក្លាយក្នុងឆ្នាំ២០១៤ ជាប្រទេសនាំចូលឧបករណ៍យោធាច្រើនជាងគេទីមួយលើពិភពលោក ខណៈដែលទីផ្សារអាវុធមានទំហំធំដល់កម្រិតកំពូលថ្មី ដោយសារភាពតានតឹងនៅតំបន់មជ្ឈិមបូព៌ា និងនៅអាស៊ី ។
របាយការណ៍នេះរៀបរៀងដោយការិយាល័យអ្នកជំនាញការ IHS JANES មានមូលដ្ឋាននៅទីក្រុងឡុងដ៍ អះអាងថា ក្នុងឆ្នាំ២០១៤ការលក់អាវុធ ដែលមានការកើនឡើង៦ឆ្នាំជាប់ៗគ្នា ឡើងដល់ទឹកប្រាក់៦៩,៤ពាន់លានដុល្លារ ទល់នឹង៥៦ពាន់លានដុល្លារក្នុងឆ្នាំ២០១៣ ដែលមានការកើនឡើង១៣,៤% ។
លោក Ben Moores នៃក្រុម IHS JANES និយាយថា តួលេខកើនខ្ពស់ ដោយសារសេចក្តីត្រូវការច្រើនពុំធ្លាប់មានពីមុនមក របស់បណ្តាប្រទេសដែលមានសេដ្ឋកិច្ចហក់ឡើង នូវបណ្តាយន្តហោះយោធា និងការកើនឡើងនូវភាពតានតឹងក្នុងតំបន់មជ្ឈិមបូព៌៌ា និងក្នុងតំបន់អាសុី-ប៉ាសុីហ្វិក ។
របាយការណ៍នេះដែលប្រមូលទិន្នន័យពីប្រទេសប្រមាណជា៦៥ គូសបញ្ជាក់ថា អារ៉ាប៊ីសាអ៊ូឌីត ពេលនេះក្លាយជាអ្នកទិញអាវុធធំជាងគេទីមួយលើពិភពលោក ជាមួយការនាំចូលអាវុធមានតម្លៃដល់ទៅ៦,៤ពាន់លានដុល្លារ ។ អារ៉ាប៊ីសាអ៊ូឌីត កាលពីឆ្នាំ២០១៣ ជាអ្នកនាំចូលអាវុធធំទី២ បន្ទាប់ពីឥណ្ឌា (៥,៥ពាន់លានដុល្លារ) ហើយក្លាយជាទីផ្សារអាវុធសំខាន់បំផុតសម្រាប់សហរដ្ឋអាមេរិក ។
របាយការណ៍នេះបន្តថា ការនាំចូលអាវុធរបស់អារ៉ាប៊ីសាអ៊ូឌីត កើន៥៤% ហើយក្នុងឆ្នាំ២០១៥នៅតែខ្ពស់ដល់៩,៨ពាន់លានដុល្លារ ។ ក្នុងឆ្នាំ២០១៥ អារ៉ាប៊ីសាអ៊ូឌីត ទិញអាវុធកាន់តែច្រើន ហើយតំបន់មជ្ឈិមបូព៌៌ាជាទីផ្សារតំបន់ធំជាងគេបំផុតសម្រាប់ការលក់អាវុធ ជាមួយទឹកប្រាក់ប្រមាណជា១១០ពាន់លានដុល្លារនៃការនាំចូលសម្រាប់ទសវត្សខាងមុខ ។ អារ៉ាប៊ីសាអ៊ូឌីត និងអេមីរ៉ាតអារ៉ាប់រួម ប្រទេសពីរនេះនាំចូលឧបករណ៍យោធា មានទឹកប្រាក់ដល់៨,៦ពាន់លានដុល្លារក្នុងឆ្នាំ២០១៤ ច្រើនជាងអឺរ៉ុបខាងលិចទាំងមូលផង ។
ចំណែកការនាំចេញវិញ របាយការណ៍នេះធ្វើការកត់សម្គាល់ថា ជាមួយការលក់មានទឹកប្រាក់ដល់ទៅ២៣,៧ពាន់លានដុល្លារ សហរដ្ឋអាមេរិកផ្តល់១ភាគ៣នៃការនាំចេញអាវុធលើពិភពលោក ។ ប្រទេសរុស្សុីដែលផ្តល់អាវុធជាពិសេសដល់ចិន ស្ថិតក្នុងលំដាប់ទី២ នៃអ្នកនាំចេញសម្ភារយោធា ជាមួយការលក់មានទឹកប្រាក់សរុប១០ពាន់លានដុល្លារ គឺកើន៩% លើសកាលពីឆ្នាំ២០១៣ ។
ទោះបីយ៉ាងណា បន្ទាប់ពីកំណើនជាច្រើនឆ្នាំ ការនាំចេញអាវុធរបស់រុស្សុីប្រឈមនឹងការលំបាកនានា ហើយជួបការធ្លាក់ចុះនៃការនាំចេញក្នុងឆ្នាំ២០១៥ ដែលនេះអាចបណ្តាលមកពីទណ្ឌកម្មនានារបស់លោកខាងលិច ក្នុងក្របខណ្ឌជម្លោះនៅអ៊ុយក្រែន ។ ម្យ៉ាងវិញទៀត ការធ្លាក់ចុះនៃតម្លៃប្រេងកាត នាំឱ្យមានផលប៉ះពាល់ខ្លាំងលើអតិថិជនមួយចំនួនរបស់ក្រុងមូស្គូ ដូចជាអុីរ៉ង់ និងវេណេស៊ុយអេឡា ជាដើម ។
បន្ទាប់ពីសហរដ្ឋអាមេរិក និងរុស្សុី បារាំងស្ថិតក្នុងចំណាត់ថ្នាក់ទី៣លើពិភពលោកនៃបណ្តាប្រទេសនាំចេញឧបករណ៍ការពារ (៤,៩ពាន់លានដុល្លារ) បន្ទាប់មកគឺប្រទេសអង់គ្លេស (៤,១ពាន់លានដុល្លារ) អាល្លឺម៉ង់ (៣,៥ពាន់លានដុល្លារ) អុីតាលី (១,៩ពាន់លានដុល្លារ) អុីស្រាអែល (១,៧ពាន់លានដុល្លារ) និងចិន (១,៥ពាន់លានដុល្លារ) ។
IHS កត់សម្គាល់ថា ចិនដែលកាលពីមុនជាអ្នកនាំចូលអាវុធលំដាប់ទី៥ ពេលនេះស្ថិតក្នុងលំដាប់ទី៣ ។ ចិនបន្តត្រូវការជំនួយយោធា ពិសេសយន្តហោះរបស់រុស្សុី ។
របាយការណ៍នេះក៏បង្ហាញដែរថា កូរ៉េខាងត្បូងដែលជាអ្នកនាំចេញឧបករណ៍យោធាមានទឹកប្រាក់៧៤០លានដុល្លារ ក្នុងឆ្នាំ២០១៤ក្លាយជាអ្នកលក់អាវុធសំខាន់មួយនៅអាសុី ៕
របាយការណ៍នេះរៀបរៀងដោយការិយាល័យអ្នកជំនាញការ IHS JANES មានមូលដ្ឋាននៅទីក្រុងឡុងដ៍ អះអាងថា ក្នុងឆ្នាំ២០១៤ការលក់អាវុធ ដែលមានការកើនឡើង៦ឆ្នាំជាប់ៗគ្នា ឡើងដល់ទឹកប្រាក់៦៩,៤ពាន់លានដុល្លារ ទល់នឹង៥៦ពាន់លានដុល្លារក្នុងឆ្នាំ២០១៣ ដែលមានការកើនឡើង១៣,៤% ។
លោក Ben Moores នៃក្រុម IHS JANES និយាយថា តួលេខកើនខ្ពស់ ដោយសារសេចក្តីត្រូវការច្រើនពុំធ្លាប់មានពីមុនមក របស់បណ្តាប្រទេសដែលមានសេដ្ឋកិច្ចហក់ឡើង នូវបណ្តាយន្តហោះយោធា និងការកើនឡើងនូវភាពតានតឹងក្នុងតំបន់មជ្ឈិមបូព៌៌ា និងក្នុងតំបន់អាសុី-ប៉ាសុីហ្វិក ។
របាយការណ៍នេះដែលប្រមូលទិន្នន័យពីប្រទេសប្រមាណជា៦៥ គូសបញ្ជាក់ថា អារ៉ាប៊ីសាអ៊ូឌីត ពេលនេះក្លាយជាអ្នកទិញអាវុធធំជាងគេទីមួយលើពិភពលោក ជាមួយការនាំចូលអាវុធមានតម្លៃដល់ទៅ៦,៤ពាន់លានដុល្លារ ។ អារ៉ាប៊ីសាអ៊ូឌីត កាលពីឆ្នាំ២០១៣ ជាអ្នកនាំចូលអាវុធធំទី២ បន្ទាប់ពីឥណ្ឌា (៥,៥ពាន់លានដុល្លារ) ហើយក្លាយជាទីផ្សារអាវុធសំខាន់បំផុតសម្រាប់សហរដ្ឋអាមេរិក ។
របាយការណ៍នេះបន្តថា ការនាំចូលអាវុធរបស់អារ៉ាប៊ីសាអ៊ូឌីត កើន៥៤% ហើយក្នុងឆ្នាំ២០១៥នៅតែខ្ពស់ដល់៩,៨ពាន់លានដុល្លារ ។ ក្នុងឆ្នាំ២០១៥ អារ៉ាប៊ីសាអ៊ូឌីត ទិញអាវុធកាន់តែច្រើន ហើយតំបន់មជ្ឈិមបូព៌៌ាជាទីផ្សារតំបន់ធំជាងគេបំផុតសម្រាប់ការលក់អាវុធ ជាមួយទឹកប្រាក់ប្រមាណជា១១០ពាន់លានដុល្លារនៃការនាំចូលសម្រាប់ទសវត្សខាងមុខ ។ អារ៉ាប៊ីសាអ៊ូឌីត និងអេមីរ៉ាតអារ៉ាប់រួម ប្រទេសពីរនេះនាំចូលឧបករណ៍យោធា មានទឹកប្រាក់ដល់៨,៦ពាន់លានដុល្លារក្នុងឆ្នាំ២០១៤ ច្រើនជាងអឺរ៉ុបខាងលិចទាំងមូលផង ។
ចំណែកការនាំចេញវិញ របាយការណ៍នេះធ្វើការកត់សម្គាល់ថា ជាមួយការលក់មានទឹកប្រាក់ដល់ទៅ២៣,៧ពាន់លានដុល្លារ សហរដ្ឋអាមេរិកផ្តល់១ភាគ៣នៃការនាំចេញអាវុធលើពិភពលោក ។ ប្រទេសរុស្សុីដែលផ្តល់អាវុធជាពិសេសដល់ចិន ស្ថិតក្នុងលំដាប់ទី២ នៃអ្នកនាំចេញសម្ភារយោធា ជាមួយការលក់មានទឹកប្រាក់សរុប១០ពាន់លានដុល្លារ គឺកើន៩% លើសកាលពីឆ្នាំ២០១៣ ។
ទោះបីយ៉ាងណា បន្ទាប់ពីកំណើនជាច្រើនឆ្នាំ ការនាំចេញអាវុធរបស់រុស្សុីប្រឈមនឹងការលំបាកនានា ហើយជួបការធ្លាក់ចុះនៃការនាំចេញក្នុងឆ្នាំ២០១៥ ដែលនេះអាចបណ្តាលមកពីទណ្ឌកម្មនានារបស់លោកខាងលិច ក្នុងក្របខណ្ឌជម្លោះនៅអ៊ុយក្រែន ។ ម្យ៉ាងវិញទៀត ការធ្លាក់ចុះនៃតម្លៃប្រេងកាត នាំឱ្យមានផលប៉ះពាល់ខ្លាំងលើអតិថិជនមួយចំនួនរបស់ក្រុងមូស្គូ ដូចជាអុីរ៉ង់ និងវេណេស៊ុយអេឡា ជាដើម ។
បន្ទាប់ពីសហរដ្ឋអាមេរិក និងរុស្សុី បារាំងស្ថិតក្នុងចំណាត់ថ្នាក់ទី៣លើពិភពលោកនៃបណ្តាប្រទេសនាំចេញឧបករណ៍ការពារ (៤,៩ពាន់លានដុល្លារ) បន្ទាប់មកគឺប្រទេសអង់គ្លេស (៤,១ពាន់លានដុល្លារ) អាល្លឺម៉ង់ (៣,៥ពាន់លានដុល្លារ) អុីតាលី (១,៩ពាន់លានដុល្លារ) អុីស្រាអែល (១,៧ពាន់លានដុល្លារ) និងចិន (១,៥ពាន់លានដុល្លារ) ។
IHS កត់សម្គាល់ថា ចិនដែលកាលពីមុនជាអ្នកនាំចូលអាវុធលំដាប់ទី៥ ពេលនេះស្ថិតក្នុងលំដាប់ទី៣ ។ ចិនបន្តត្រូវការជំនួយយោធា ពិសេសយន្តហោះរបស់រុស្សុី ។
របាយការណ៍នេះក៏បង្ហាញដែរថា កូរ៉េខាងត្បូងដែលជាអ្នកនាំចេញឧបករណ៍យោធាមានទឹកប្រាក់៧៤០លានដុល្លារ ក្នុងឆ្នាំ២០១៤ក្លាយជាអ្នកលក់អាវុធសំខាន់មួយនៅអាសុី ៕
0 comments:
Post a Comment